Þar segir að um sé að ræða 25,1 milljarða greiðslur til Íslendinga á árunum 2015-2018. Nú sé unnið að því innan embættisins að greina frekar gögnin og verði þá metið hvort þörf sé á frekari aðgerðum af hálfu embættisins. Gögnin eru fengin með aðstoð írskra skattyfirvalda.
Á vef RUV segir að Skattrannsóknarstjóri hafi fengið upplýsingarnar eftir að hafa leitað til írskra dómstóla. Segir Bryndís Kristjánsdóttir skattrannsóknarstjóri að embættið hafi óskað eftir þeim árið 2019 en verið neitað um aðgang að þeim. Írsk skattyfirvöd hafi þá haft milligöngu um að leita atbeina írskra dómstóla. Um sé að ræða upplýsingar um tæplega 80% allra tekna Íslendinga af Airbnb og 30% aðila sem hafa fengið greiðslur. Smæstu aðilana sé því ekki að finna í gögnunum.
