,,Dorgveiðin fór ágætlega af stað en stormasamur janúarmánuður hefur sett strik í reikninginn,“ segir Tómas Skúlason í Veiðiportinu sem er að bjóða upp á ánamaðka allan ársins hring fyrir veiðimenn og núna á dorgið.

,,Það er ótrúlega gaman að sjá hvað Pólverjar, Litháar, Rússar og aðrir farandverkamenn hafa blásið lífi í dorgveiðina. 90% af öllum þeim sem versla hjá mér dorgveiðivörur eru útlendingar. Og þeir taka þetta af alvöru.“

Á góðum degi á vatni einu hér rétt út fyrir höfuðborgina er stundum hægt að sjá 30-40 kalla sitja og dorga,“ segir Tómas.

Menn hafa verið að kaupa sérstök tjöld til að verjast vindinum og svo er bara prímus og heitt kaffi og þá skiptir ekki máli ef hann er að blása.

,,Við gerðum tilraun í vetur með maðk og það hefur gengið vel. Þeir sem vita þá er mjög erfitt að halda stórum maðki lifandi lengi. Menn geyma hann í mosa eins alltaf en þar er enginn næring. En við komumst að því að þeir elska mjög svo eina tegund af grænmeti og ávexti frekar en aðra og gersamlega hakka það í sig. Þannig að nú munum við bjóða veiðimönnum maðk allt árið um kring,“ sagði Tómas ennfremur.