Bræðurnir Jón Jónsson og Friðrik Dór eru tveir vinsælustu tónlistarmenn landsins og hafa gefið út marga smelli, bæði í sitthvoru lagi og saman.
En hvernig byrjaði þetta allt saman? Jón Jónsson greinir frá því á Instagram að fyrir 20 árum hafi þeir bræður fengið trommusett í jólagjöf frá foreldrum sínum.
„Sú gjöf markaði upphafið að samspili okkar bræðra,“ skrifar Jón með mynd á Instagram frá þeim degi. Á myndinni má sjá unga Jónsson bræður við trommusettið, afar ánægða með gjöfina.
https://www.instagram.com/p/B6nTYlMHTJO/
Bræðurnir hafa gefið saman út smelli á borð við „Heimaey“ og „Á sama tíma á sama stað“. En bæði lögin sömdu þeir fyrir Þjóðhátíð 2018.
Svo má ekki gleyma því þegar þeir sömdu lagið „Komum heiminum í lag“ í tilefni af vitundarvakningu félagasamtaka í alþjóðlegu hjálparstarfi og Þróunarsamvinnustofnunar Íslands.
