Lífið hjá Moise Kean, framherja Everton hefur ekki byrjað vel. Hann kom frá Juventus og átti að verða stjarna um leið.
Kean hefur hins vegar lítið getað og mest verið á bekknum hjá Everton. Hann var settur út úr hóp um helgina gegn Southampton.
Ástæðan er sú að Kean mætti of seint á fund fyrir leikinn, það var ekki boðlegt að mati Marco Silva, stjóra Everton.
Þetta var í annað sinn sem Kean hefur mætt of seint á fund og nú var ákveðið að refsa Kean.
Everton vann 2-1 sigur á Southampton um helgina en Kean vonast til að finna taktinn hjá Everton sem fyrst.
