Haraldur Johannessen, ríkislögreglustjóri, mun hitta Áslaugu Örnu Sigurbjörnsdóttur dómsmálaráðherra í dag, að sögn Fréttablaðsins. Mikið hefur gengið á innan lögreglunnar og ekki batnaði ástandið eftir viðtal Morgunblaðsins við Harald um helgina, hvar hann lýstri meintri rógsherferð gegn sér, óhæfum starfsmönnum lögreglunnar og spillingu innan hennar.

Össur Skarphéðinsson, fyrrverandi utanríkisráðherra, skrifaði um helgina að Áslaug gæti ekki látið slíkt viðgangast án þess að hafa afskipti af Haraldi og samkvæmt heimildum Fréttablaðsins ætlar Áslaug að boða Harald á sinn fund í dag þar sem hann þarf væntanlega ekki bara að gera betur grein fyrir orðum sínum, heldur rökstyðja þau frekar.

Samkvæmt heimildum Fréttablaðsins er mikil óánægja með Harald meðal lögreglustjóra, sem viti ekki til hvers Haraldur sé að vísa í viðtalinu, en áður ríkti mikil óánægja með bíla- og fatamál hjá lögreglumönnum.

Þórhildur Sunna Ævarsdóttir, nýskipaður formaður stjórnskipunar – og eftirlitsnefndar, sagði ummæli Haraldar umhugsunarverð og full ástæða væri til að kalla hann fyrir nefndina, til að útskýra þá nánar.

Sjá nánar: Talaði Haraldur sig út úr embætti?

Sjá nánar: Össur segir að Áslaug verði að bregðast við:„Hún getur ekki setið aðgerðalaus“