Eitt einkenni Jelly Beans-sælgætisins er hve glansandi baunirnar eru. Þessi glansi er fenginn úr frekar áhugaverðu hráefni, sem er notað í sælgæti og lyf.

Um er að ræða hráefni sem kemur úr Lac-pöddunni, sem má finna víða í Taílandi og Indlandi. Lac-paddan er sníkjudýr og bjalla sem festir sig við tré og neytir trjákvoðunnar. Þegar að trjákvoðan hefur farið í gegnum meltingarfæri pöddunnar verður úrgangurinn að harðri kvoðu á trjágreinunum.

Þessi harða kvoða er unnin í þurrar flögur sem hægt er að nýta annað hvort til að búa til viðarlakk eða sætan glassúr, líkt og í tilfelli nammibaunanna.

Það er þó mikilvægt að vekja athygli á því að það er óhætt að borða þennan úrgang Lac-paddanna, en sumum finnst kannski tilhugsunin um að borða pöddusaur frekar ógeðsleg.