Radio Times hefur valið Næturvörðinn (The Night Manager) besta breska sjónvarpsþáttinn. Þættirnir hlaut bæði mikið lof gagnrýnenda og áhorfenda og hafa verið tilnefndir til fjölda verðlauna. Næturvörðurinn var sýndur á RÚV þannig að íslenskir sjónvarpsáhorfendur þekkja vel til þessara gæðaþátta. Þættirnir eru byggðir á njósnasögu John Le Carre og þar tókst hinn heillandi Tom Hiddleston á við versta mann í heimi en sá var leikinn af mikilli innlifun af Hugh Laurie. Elizabeth Debicki lék dularfullu konuna sem þeir hrifust báðir af.

Í öðru sæti yfir bestu sjónvarpsþættina var Line of Duty þar sem fjallað er um spillingu innan lögreglunnar og í því þriðja Happy Valley, Hamingudalur þar sem Sarah Lancashire leikur lögreglukonu sem er hið mesta hörkutól. Meðal annarra þátta sem íslenskir áhorfendur ættu að kannast við voru Stríð og friður sem lenti í fimmta sæti og ný þáttaröð af The Missing (Hvarfinu) var í sjötta sæti. Planet Earth var í áttunda sæti en vinur okkar allra Sir David Attenborough er umsjónarmaður þeirra. The Crown, rómaðir þættir um valdaferil Elísabetar Englandsdrottningar, lentu í sjöunda sæti en þeir eru að slá í gegn á Netflix.