Cristiano Ronaldo, leikmaður Juventus, ögraði stuðningsmönnum Atletico Madrid í gær er liðin áttust við í Meistaradeildinni.
Ronaldo minnti stuðningsmenn Atletico á það hversu oft hann hefur unnið keppnina á ferlinum.
Ronaldo hefur fagnað sigri í keppninni fimm sinum og tvisvar vann hann Atletico í úrslitaleiknum með Real Madrid.
Enrique Cerezo, forseti Atletico, hefur nú skotið á Ronaldo og segir að hann hafi aðeins unnið þrjá titla, frekar en fimm.
,,Smá útskýring á þessu er að Cristiano Ronaldo hefur ekki unnið fimm Meistaradeildartitla. Hann hefur unnið þrjá,“ sagði Cerezo.
,,Hinir tveir gegn Atletico Madrid, hann vann þá ekki. Hver vann þessa titla? Ég skal segja ykkur það í næsta viðtali.“
Cerezo gefur þar með í skyn að Real hafi aldrei átt skilið að sigra Atletico í úrslitaleiknum.
