Það var alls engin markaveisla í Meistaradeild Evrópu í kvöld en tvær viðureignir fóru fram.
Stærri leikur kvöldsins fór fram á Anfield þar sem Liverpool fékk Bayern Munchen í heimsókn.
Það var boðið upp á ansi fjörugan leik í Liverpool en um var að ræða fyrri leikinn af tveimur.
Því miður fyrir áhorfendur voru engin mörk á boðstólnum og lauk leiknum með markalausu jafntefli.
Það sama gerðist í Frakklandi er stórlið Barcelona heimsótti Lyon en tókst ekki að skora.
Barcelona átti 24 marktilraunir í leik kvöldsins en mistókst að koma knettinum í netið.
Liverpool 0-0 Bayern Munchen
Lyon 0-0 Barcelona
