Knattspyrnumaðurinn Emiliano Sala lést á dögunum en hann var farþegi í flugvél sem ferðaðist til Cardiff. Sala var nýbúinn að skrifa undir samning við Cardiff og átti að ganga í raðir liðsins frá Nantes.

Sala ferðaðist með lítilli flugvél ásamt flugmanninum David Ibbotson en hún hefur hrapað og var fundin á sjávarbotni. Nú hefur það verið staðfest að Sala hafi látið lífið vegna höfuðmeiðsla og þurfti að bera kennsl á líkið út frá fingraförum.

Enn er ekki búið að finna lík Ibbotson en líkamsleifar af Sala fundust í flugvélinni sem var á sjávarbotni.

Nú er verið að undirbúa það að lík Sala verði flutt til heimalandsins, Argentínu. Þar mun jarðaför Sala fara fram. Með Cardiff leikur Aron Einar Gunnarsson.

Jarðaförin fer fram á laugardag en Neil Warnock, stjóri Cardiff mun mæta í hana. Sala náði aldrei að spila fyrir Warnock og félaga en hann átti að verða stjarna liðsins.

Warnock fer ásamt Ken Choo, stjórnarformanni félagsins til Argentínu. Vincent Tan, eigandi Cardiff hefur lagt til 50 þúsund pund svo að allt verði í lagi þegar Sala verður sendur til himna.