Fyrirsæturnar Iskra Lawrence og Brock O’Hurn leika í nýrri auglýsingu fyrirtækisins Icelandic Water Holdings sem selur íslenskt vatn úr Ölfusi undir merkjum Icelandic Glacial.

Auglýsingin gengur út á það hversu miklu nokkrir sopar af vatninu geta breytt. Kona sem stendur við jólatré og fær sér Icelandic Glacial snýr sér allt í einu við og finnur þar vöðvastæltan Brock í jólasveinabúning. Þegar eiginmaður hennar kemur svo inn í stofu og fær sér sopa þá sér hann Iskru á sófanum.

Ljóst er að mikið hefur verið lagt í auglýsinguna því Iskra Lawrence er ein þekktasta fyrirsæta í „yfirstærð“ í heiminum. Hún er með 2,9 milljónir fylgjenda á Instagram. Meðleikari hennar Brock er með litlu minna eða 2,4 milljónir fylgjenda. Hafa þau bæði deilt auglýsingunni á samfélagsmiðlum.

Icelandic Water Holdings er meðal annars í eigu athafnamannsins Jóns Ólafssonar, stofnanda og stjórnarformanns fyrirtækisins.

[youtube https://www.youtube.com/watch?v=1KrjBPIyzUg&w=560&h=315]