Will Carmack reynir að svara því hvort íslenskum stelpum farnist vel að kyssa
Youtube-stjarnan Will Carmack er á Íslandi og bætir myndböndum af landi og þjóð í sarpinn á Youtube. Þegar þetta er skrifað hefur Carmack, sem hefur um 50 þúsund áskrifendur á Facebook, birt tvö myndbönd frá Íslandi.
Þessum unga sjarmör þykir greinilega nokkuð til Íslands koma en í nýjasta myndbandinu fer hann á stefnumót við íslenska stelpu. Þau fá sér ís saman og tilla sér svo niður á bekk í miðbænum. Á þeirri stundu brýst fram þörf hans til að komast til botns í því hvort íslenskar stelpur séu góðar í að kyssa.
Hann sannfærir stúlkuna um að láta vaða – í vísindaskyni að sjálfsögðu. Þau kyssast snögglega og gefa kossinum því næst einkunn. „Ég held að eitt það brjálaðasta sem ég hef á ævinni gert var að fara á Tinder-stefnumót á Íslandi,“ skrifar hann við myndbandið á Facebook. Stúlkan virðist sama sinnis. „Þetta var mögulega skrýtnasta kvöld lífs míns. Will Carmack thanks for a very strange date?“ skrifar stúlkan á Facebook en myndbandið er bæði létt og skemmtilegt.
Myndböndin eru tvö en í öðru þeirra heimsækir hann Hallgrímskirkju og Hvalasafnið, svo eitthvað sé nefnt. Þá verður hús Hrafns Gunnlaugssonar á vegi hans.
[youtube https://www.youtube.com/watch?v=wILQGfZVhSs&w=560&h=315]
[youtube https://www.youtube.com/watch?v=NDiumGHYNSs&w=560&h=315]
