Norður-írski leikarinn Liam Neeson er einn af harðjöxlum kvikmyndanna í Hollywood og eru Taken-myndirnar til vitnis um það.

Neeson var gestur í spjallþætti Stephen Colbert, The Late Show, á dögunum og þar brá Neeson sér í hlutverk jólasveins. Neeson átti að fara með nokkrar fleygar setningar og leika um leið jólasvein á eins sannfærandi og ógnvekjandi hátt og hann gæti.

Óhætt er að segja að Neeson hafi slegið í gegn í prufunni og nokkuð ljóst að hann gæti fengið óþekk börn til að hlýða öllu sem hann segir. Myndbandið skemmtilega má sjá hér að neðan:

[youtube https://www.youtube.com/watch?v=VqG621-drmk&w=560&h=315]