Kylie Jenner hefur farið leynt með meðgöngu sína en þó hafa fjölmiðlar vestan hafs reynt sitt ýtrasta til þess að komast að sannleikanum. Nú hefur Kylie greint frá því að hún sé búin að eignast litla stelpu sem kom í heiminn þann 1. febrúar.

„Fyrirgefið mér fyrir að hafa haldið þessu leyndu þrátt fyrir að allir hafi gert ráð fyrir þessu. Ég skil vel að þið eruð vön því að fá að fylgja mér í gegnum allt en ólétta mín var eitt af því sem ég ákvað að deila ekki með heiminum. Ég vissi að ég þyrfti að undirbúa mig fyrir þetta nýja hlutverk á sem mest jákvæðan, rólegan og heilbrigðasta hátt sem ég gat. Það var engin „ég náði ykkur“ tilkynning né ætlaði ég að fá greitt fyrir tilkynninguna. Ég vissi að barnið mitt myndi finna allar áhyggjurnar og tilfinningarnar mínar svo ég ákvað að gera þetta svona fyrir litla lífið mitt og hamingju okkar,“

Segir Kylie á Instagram. Hún heldur áfram og segir:

„Meðgangan hefur verið falleg, kraftmikil og mesta lífsreynsla sem ég hef gengið í gegnum og ég mun í alvörunni sakna hennar. Ég kann að meta vini mína og sérstaklega fjölskylduna sem hafa hjálpað mér að gera þetta sérstaka augnablik eins persónulegt og hægt var. Fallega og heilbrigða stúlkan mín fæddist þann 1. Febrúar og ég gat bara ekki beðið lengur eftir að deila þessari blessun. Ég hef aldrei fundið eins mikla ást og hamingju, ég gæti sprungið. Takk fyrir að skilja.“

Kylie hefur einnig sett inn myndband á Youtube sem greinir lauslega frá síðustu 9 mánuðum og heitir myndbandið „Til dóttur okkar“: