Íslenska tölvuleikjafyrirtækið CCP hefur haft vinnslu að þróun farsímaleikja. Fyrirtækið gerði nýverið samning við kínverska net- og tölvuleikjafyrirtækið NetEase Games um gerð farsímaútgáfu á hinum stórvinsæla netspilunarleik EVE Online.

„NetEa­se hef­ur mikla reynslu af því að taka flókna leiki eins og EVE On­line og koma þeirri upp­lif­un á farsíma,“ segir Eyrún Jónsdóttir, markaðsstjóri CCP, í samtali við Morgunblaðið.

Eyrún tekur einnig fram að fyrirtækið ætli að komast inn á ört vaxandi markað farsímaleikja, að jafnframt standi til hjá CCP að hefja fljótlega vinnslu á öðrum leik og þá með finnska fyrirtækinu Play Raven. Sá leikur er sagður vera með öðru sniði en EVE, þó hann eigi að gerast í sama heimi.

Farsíma­út­gáfu EVE On­line mun á annan veg svipa mjög til þess sem spil­ar­ar þekkja nú úr borðtölv­un­um, en með ein­hverj­um breyt­ing­um til þess að laga leik­inn að farsím­um. „Helstu eig­in­leik­ar og spil­un­ar­mögu­leik­ar verða þeir sömu,“ seg­ir Eyrún og tekur fram að leikurinn komi fyrst út á iOS og svo á Android.