Útgáfufélag MIT var í júlí með fastan lið hjá sér, Orð vikunnar (Word of the Week), þar sem birt voru orð úr bók Tim Lomas, Translating happiness. Í bókinni skoðar hann 400 orð úr 80 tungumálum og skilgreinir þrjá grunnþætti í líðan fólks: tilfinningar, sambönd og persónulega þróun.

Og hvað er betra en að enda þennan fasta lið hjá MIT með íslenska frasanum Þetta reddast, sem við Íslendingar notum óspart hvenær sem við á, hvort sem það er í vinnu, einkalífinu, fjármálum eða samböndum.

MIT segir svo á Facebooksíðu sinni: „This time we learn from Icelands optimism (Í dag lærum við af bjartsýni Íslendinga). Þetta reddast. Icelandic / phrase / ˈθæ.tæ ˈrɛtːast / tha-ta-reh-dst. ‘It will all work out ok’ (used especially when things don’t look overly optimistic).“