Aðeins tæplega 8% Íslendinga á aldrinum 18 til 75 ára telja að hryðjuverk verði framin á Íslandi, en 76-77% telja það ólíklegt. Þeir yngstu og elstu telja það líklegra en þeir sem eru á miðjum aldri. Þetta kemur fram í nýrri könnun Maskínu.  Með auknum tekjum og lengri skólagöngu telur fólk ólíklegra að hryðjuverk verði framin hér á landi. Þá er all athyglisvert að hér finnst ekki munur á mati kjósenda flokkanna á hryðjuverkaógninni. Síðan kemur í ljós að því oftar sem fólk hugsar um að hryðjuverk séu framin á Íslandi þeim mun líklegra telur það að þau verði framin hér.

Langstærstur hluti landsmanna, 76 til 77%, hugsar sjaldan eða aldrei um að hryðjuverk verði framin á Íslandi, en aðeins um 4% hugsa u m það oft. Konur hugsa örlítið oftar um hryðjuverk en karlar og þeir yngstu oftar en eldri. Með auknum tekjum og lengri skólagöngu fækkar hugsunum fólks um hryðjuverk.. Þ á kemur í ljós að kjósendur Framsóknarflokksins og Sjálfstæðisflokksins hugsa oftar um að hryðjuverk verði framin á Íslandi en kjósendur annarra flokka.

Könnunin var gerð dagana 10.til  22. mars 2017 og náði til 877 manns á aldrinum 18 til 75 ára um allt land.