Með því að endurskipuleggja fjármagnsskipan Arion banka, geta eigendur hans greitt sér allt að 70 milljarða króna arð. Eiginfjárstaða bankans er mjög sterk um þessar mundir, nam ríflega 211 milljörðum um áramótin. Eiginfjárhlutfallið stóð í 27% en eiginfjárkröfurnar sem ríkið krefst nemur 20,7%. Greint er frá þessu í Morgunblaðinu í dag.

Bankanum er einnig heimilt að að gefa út víkjandi skuldabréf til að mæta nokkrum hluta eiginfjárkröfunnar, við ársuppgjör Arion banka sýndu forsvarsmenn bankans fram á að hagstæð samsetning eiginfjár gæti falist í að hlutfall hefðbundins eigin fjár stæði í 16,8% en aðrir hlutar þess í 5,8%.

Í skýrslu sem var kynnt á aðalfundi Arion banka nýverið var sagt að ákveðið hefði verið að greiða ekki út arð að sinni en að stjórn bankans hafi víðtæka heimild til að leggja fram tillögu um arðgreiðslu eða aðra ráðstöfun eigin fjár, því muni stjórnin mögulega boða til að aukahluthafafundar síðar á árinu.