Sigga Dögg kynfræðingur hefur blandað sér í umræðuna um samfélagsmiðla, stafrænt kynferðisofbeldi og áreiti, sem blossaði upp eftir að Óttar Guðmundsson geðlæknir fór mikinn í viðtali við Síðdegisútvarp rásar tvö í gær.
Sigga Dögg vill gjarnan víkka umræðuna um rafrænan tjáningarmáta fólks þegar kemur að kyntjáningu. Hún ritar eftirfarandi færslu á opinbera Facebooksíðu sína:
„Ég fékk um helgina póst hér á síðuna „ég er flottur, viltu ríða?“. Ég afþakkaði pent.
Þetta eru þriðju skilaboðin á innan við ári, minnir mig, sem ég hef fengið sem eru svona. Einn reyndar bauðst til að borga mér, ekki hinir tveir.
Ég velti fyrir mér hvatanum fyrir slíkri sendingu en einnig hversu miklar líkur þeir telji að þetta muni bera árangur eða er þetta einfaldlega ný útgáfa af því að bera sig og sjokkera manneskjuna? Svona eins og að hringja og klæmast og skella á (80’s börn tengja) eða er þetta af sama meiði og typpamyndir sem er alveg spurning hvort sé hægt að meðhöndla eins og ef þú ert flassaður í persónu?
Má lögsækja fyrir óumbeðna typpasendingu ef ekki liggur fyrir samþykki? Hér eru jú hegningarlög um slíkt og þetta brýtur á blygðunarkennd móttakanda…
Pæling. Mig langar svo að víkka umræðuna um þennan rafræna tjáningarmáta.“
Já það er spurning.
Lestu meira hér: Um tippamyndasýningar íslenskra karla
