Valentínusardagurinn hrópar á rómantík – ég nenni ekki að vera fúl út í að hann sé ekki íslensk hefð og voðalega amerískur og bara enn eitt tól kapítalismans til að fá okkur til að kaupa afskorin blóm og súkkulaði og nærföt og fara ógeðslega dýrt út að borða. Frekar ætla ég að fagna honum – já eins og hverju einasta tækifæri til að dæla meiri rómantík og losta inn í lífið. Hvað er líka betra en að kela? Kona sem er nýgengin út spyr sig óneitanlega.
Farið saman í Ikea. Setjist í að minnsta kosti 10 sófa og kelið. Ekki mjög dónalega samt – engar stunur, kynfærakáf eða rífa ykkur úr fötum – bara knús og kossar og narta í eyra og naga háls.
Farið saman í Ikea. Setjist saman í sófa. Hér byrjar annað ykkar að segja hinu sögu – helst frekar dónalega. Svona kynlífsfantasíusögu. Færið ykkur í næsta sófa – hér tekur hitt ykkar við og spinnur framhaldið. Ef þið þurfið tíma til að hugsa, má alltaf kela smá á milli. Svona koll af kolli þar til lendar ykkar loga!
Farið saman í Ikea. Setjist saman í að minnsta kosti 10 sófa. Í fyrsta sófanum á annað ykkar að segja eitthvað fallegt um hitt, svo horfist þið í augu í 90 sekúndur – í næsta sófa skiptið þið um hlutverk. Svona koll af kolli og muna að horfast alltaf í augu. Það má alveg fá hláturskast!
Farið saman í Ikea. Annað ykkar fær 5 mínútna forskot og finnur góðan felustað í einni af sýningaríbúðunum. Hitt fylgir á eftir og leitar. Í stað þess að segja „HÓ“ eins og í venjulegum feluleik sendir það ykkar sem er í felum lostafull skilaboð til hins. Til dæmis: „Ef þú finnur mig innan 10 mínútna færðu ís, en ef þú finnur mig innan 5 mínútna færðu tott á heimleiðinni í bílnum.“ Já eða eitthvað þannig!
Þessi útgáfa er örlítið dónalegri en hinar á undan. Nú þarf líka dálítinn undirbúning, áður en þið farið saman í Ikea. Verðið ykkur úti um titrara með fjarstýringu – mér detta íhug tvær tegundir Primo frá Svakom, og Oh my bod. Primo má nota í leggöng, endaþarm eða sníp, en Oh my bod er ætlaður fyrir sníp. Annað fær því að vera með titrarann á ákjósanlegum stað í eða á líkama sínum, og hitt heldur fjarstýringunni. Svo dúllist þið um í Ikea, prófið sófa og stóla og rúm og alls konar. Lostinn mun vaxa með hverju fótmáli, það er næsta víst.
