Á vefsíðunni Quora er hægt að spyrja spurninga um ALLT. Allir mega líka svara – svo að úr verður prýðilegur hrærigrautur af spurningum og ráðum bæði frá þeim sem eru með fimm háskólagráður, og hinum sem hafa kannski upplifað eitthvað svipað og spyrjandinn.
Sálfræðingurinn Elinor Greenberg er vinsæll svarandi á síðunni, enda er hún sprenglærð og þar að auki sérfræðingur í narsissisma.
Notendur vildu ræða hvort narsissistar væru fljótari að jafna sig eftir sambönd en aðrir. Hvort þeir væru hreinlega eldsnöggir að gleyma sínum fyrrverandi.
Flestir narsissistar hafa munstur sem þeir halda sig við. Hér eru nokkur algeng munstur sem sjá má hjá narsissistum gagnvart fyrrverandi mökum/elskhugum/kærustum.
Veiðimennirnir: Þegar þú ert „fallin“, og hausinn á þér kominn upp á vegg missir hann áhuga á þér. Veiðin skiptir öllu máli og hann verður allt of upptekinn við að læsa klónum í næstu bráð. Ef þú hélst að sambandið hefði einhverja þýðingu, var það mikill misskilningur.
Þeir rómantísku: Þeir munu halda upp á allar góðu minningarnar, og jafnvel ræða við annað fólk um hver góður tíminn með þér var. Þetta virðist allt miklu betra í baksýnisspeglinum heldur það var í raun á meðan sambandið stóð yfir. Ef hann kæmi aftur til þín, mundi hann eflaust fara frá þér fljótlega. Hann er ástfanginn af hugmyndinni um ást – en ekki af þér.
Þeir sem endurvinna: Þeir eru með hóp viljugra ástkvenna sem þeir fara reglulega í gegnum. Þegar hann reiðist þér eða fær leið á þér er lítið mál að færa sig á næstu stoppustöð. Þetta getur gengið endalaust – hring, eftir hring, eftir hring!
Það hvort þinn fyrrverandi mun hugsa um þig veltur á munstrinu hans. Þar sem narsissistar þurfa alltaf að næra narsissismann sinn er líklegt að hann geri það þegar hann þarf að efla egóið sitt eða upplifir sig einmana eða graðan. Reyndar ert þú líka líklegust til að hugsa til hans undir þeim kringumstæðum.
http://bleikt.pressan.is/lesa/ae-ertu-astfangin-af-sidblindingja/
