Það eru alltaf ný trend að skjóta upp kollinum í fegurðarsamfélaginu á YouTube (e. beauty vlogging community). Við skulum kíkja á eitt trend, mögulega með þeim furðulegustu, sem gerði allt galið í YouTube samfélaginu í fyrra Það er „hundrað laga áskorunin,“ þar sem sett eru hundrað lög af einhverri snyrtivöru. Vídeóbloggarar á YouTube tóku trendinu fagnandi og fóru að setja á sig hundrað lög af varalit, maskara eða jafnvel naglalakki.
Thomas Sekelius, sænskur YouTube notandi, var sá fyrsti til að setja á sig hundrað lög af farða. Eftir að annar notandi endurtók leikinn, hún Jeely, þá fór boltinn að rúlla og brátt voru allir snyrtivöru vídeóbloggarar spenntir að taka þátt í trendinu.
Einn blaðamaður Vice ákvað að prófa trendið, þó svo að hún vildi meina að hún skildi ekkert í því, þá hljómaði það sem fín leið til að eyða eftirmiðdegi. Hún keypti ódýrasta farðann sem hún fann og notaði fingurna til að setja farðann á sig, en tók það fram að þetta hefði verið mikið auðveldara ef hún notaði svamp. Hún setti einnig hundrað lög af varalit, maskara og augabrúnapensli á sig.
„Þegar komið var að sjötugasta laginu gat ég varla andað. Nefið mitt var að fyllast af farða. Var ég að kafna hægt?“
Sjáðu myndirnar og myndbandið hér fyrir neðan hvernig hundrað lög af farða líta út.
