Heimasíða Reykjavík Fashion Festival (RFF) keppir til úrslita sem besta evrópska heimasíðan á móti heimasíðu breska Vogue. Kosningin er opin til 5. október næstkomandi.
„Þegar ég tók við RFF haustið 2016 þá fórum í „rebranding“ í samstarfi við hönnunarfyrirtækið Serious Business. Við fórum í stefnumótun og ákváðum að taka græna stefnu í takt við tímann,“ segir Kolfinna Von Arnardóttir framkvæmdastjóri RFF.
Serious Business er staðsett í Munchen í Þýskalandi. „Þetta er skemmtilegt og hugmyndaríkt teymi, fimm einstaklingar frá mismunandi löndum sem vinna saman. Þau vildu nota vefsíðuna sem sitt besta verkfæri til að ná náttúruímyndinni og miðla henni áfram. Við vildum hafa heimasíðuna fallega og hún fór í loftið í febrúar síðastliðnum, bara um sex vikum áður en hátíðin var haldin.“
Re-branding Reykjavik Fashion Festival
New article in our blog sharing our process during the re-branding of Reykjavik Fashion Festival that we finished back in March this year. https://blog.seriousbusiness.agency/re-branding-reykjavik-fashion-festival-96e85509a74a
Posted by Serious Business on 19. júní 2017
„Við skírðum hátíðina ROK, sem er náttúruafl sem íslenskir hönnuðir alast upp við og fá innblástur frá og á vefsíðunni erum við með ýmsa vísun í veðráttuna,“ segir Kolfinna Von.
Reykjavík Fashion Festival (RFF) 2017 var síðan haldin samhliða HönnunarMars dagana 23. – 25. mars í Silfurbergi, Hörpu.
„Þegar hátíðinni lauk fórum við að fá athygli og umfjöllun um heimasíðuna. Sem dæmi má nefna frá Readymag sem heimasíðan er sett upp í, þeir fjalla sérstaklega um okkur. Svo um það bil einu sinni í mánuði vorum við að fá tilkynningu um að vefsíðan væri í kosningu á netinu. Fyrsta var í alþjóðlegri keppni sem heitir Mindsparkle Mag.“
Þar er kosin daglega Mest skapandi heimasíðan (Most Creative Website) og eftir hvert ár er gefin út bók þar sem er fjallað um þær 365 vefsíður sem valdar voru og RFF því þegar búin að tryggja sér sæti þar.
„Það er búið að fjalla um heimasíðuna í erlendum fjölmiðlum og það er greinilega að vefsíðan vekur athygli erlendis,“ segir Kolfinna Von hæstánægð með viðtökurnar. „Ég fæ oft pósta þar sem mér er tilkynnt að fjallað hafa verið um vefsíðuna í erlendu tímariti og það eru jafnvel tímarit sem ég hef ekki heyrt minnnst á áður.
Kosning er opin til 5. október næstkomandi og geta allir kosið hér.
Undirbúningur að RFF 2018 er þegar hafinn.
