Manchester United tók á móti Sevilla í síðar leik liðanna í 16-liða úrslitum Meistaradeildarinnar í kvöld en leiknum lauk með 2-1 sigri gestanna.
Það var Wissam Ben Yedder sem skoraði bæði mörk Sevilla í kvöld en Romelu Lukaku minkkaði muninn fyrir United í stöðunni 2-0.
United er því úr leik í Meistaradeildinni í ár en Mohamed Salah, sóknarmaður Liverpool notaði tækifærið og skaut létt á United eftir úrslit kvöldsins.
„Get ekki beðið eftir drættinum í 8-liða úrslitin,“ setti Salah á Twitter, stuttu eftir að flautað hafði verið til leiksloka á Old Trafford.
Færsluna sem hann setti inn má sjá hér fyrir neðan.
The UCL draw can't come soon enough 😁
— Mohamed Salah (@22mosalah) March 13, 2018
