Darwin Nunez gæti verið á leið frá Al-Hilal aðeins ári eftir komuna frá Liverpool.
Úrúgvæski framherjinn byrjaði vel í Sádi-Arabíu en datt síðar út úr deildarhópi félagsins eftir komu Karim Benzema vegna reglna um fjölda erlendra leikmanna.
Samkvæmt erlendum miðlum er Nunez nú líklegur til að yfirgefa Al-Hilal í sumar og jafnvel hefur verið talað um að samningi hans verði rift.
Barcelona er í blaðinu Mundo Deportivo sagt fylgjast með stöðu hans ef félagið missir af Julian Alvarez hjá Atletico Madrid.
Mest athygli vekur þó að í sama miðli er hann einnig orðaður við afar óvænta endurkomu til Liverpool.
Andoni Iraola er sagður kunna vel að meta leikstíl Nunez og Liverpool þarf að styrkja sóknarlínuna vegna breytinga á leikmannahópnum.
Chelsea, Newcastle, AC Milan, Juventus og Fenerbahce hafa einnig verið nefnd í samhengi við framtíð Nunez.
