Valur er að kaupa Samúel Kára Friðjónsson frá Stjörnunni og kostar hann sitt.
Dr. Football sagði fyrst frá þessum yfirvofandi skiptum og samkvæmt heimildum 433.is verður Samúel Kári kominn með leikheimild gegn FH í Bestu deildinni á morgun.
Kristján Óli Sigurðsson segir í Þungavigtinni að Samúel Kári kosti Val 16 milljónir króna. Það gerir hann að næstdýrasta leikmanni sem keyptur er innan félaga á Íslandi, á eftir Gylfa Þór Sigurðssyni.
„16 milljónir verða millifærðar upp í Garðabæ. Þetta er ótrúleg upphæð, næsthæsta upphæð sem leikmaður er keyptur á innanlands.“
Hinn þrítugi Samúel Kári gekk í raðir Stjörnunnar er hann kom heim úr atvinnumennsku fyrir síðustu leiktíð.
Samúel Kári var í byrjunarliði Stjörnunnar í fyrstu umferð Bestu deildarinnar gegn KA en var á bekknum og kom inn á sem varamaður í annarri umferð gegn FH.
Stjarnan er með sex stig eftir tvo leiki í Bestu deildinni en Valur með þrjú.
Uppfært kl. 11:19 – Skiptin hafa verið staðfest af Val og Stjörnunni
