Fjölmiðlamaðurinn Richard Keys telur Mikel Arteta í hættu í stjórastarfinu hjá Arsenal eftir tap gegn Manchester City í gær.

Arsenal var með pálmann í höndunum á toppi ensku úrvalsdeildarinnar fyrir nokkrum vikum, en nú er City aðeins þremur stigum á eftir þeim, auk þess sem liðið á leik til góða.

„Ég held að hann sé farinn ef þeir enda aftur í öðru sæti. Eina sem gæti bjargað honum er að vinna Meistaradeildina og ég sé það ekki gerast,“ segir Keys.

Arsenal hefur endað í öðru sæti þrjú tímabil í röð og þrá að vinna titilinn í fyrsta sinn í 22 ár. Gengið hefur hins vegar verið arfaslakt síðustu vikur.