Manchester United ku hafa mikinn áhuga á Felix Nmecha og gæti reynt við hann í sumar.

United ætlar að styrkja miðjuna í sumar, en þegar er ljóst að Casemiro fer. Fleiri gætu gert það einnig.

Þó nokkuð margir miðjumenn hafa verið orðaðir við United og er Nmecha, sem er lykilhlekkur hjá Dortmund, sá nýjasti.

Nmecha kom upp í gegnum unglingastarf Manchester City og lék þrjá leiki með aðalliðinu. Árið 2021 fór hann til Wolfsburg í Þýskalandi í leit að spiltíma. Það gekk eftir og hann fór síðar til Dortmund.

Nmecha, sem er 25 ára gamall, er samningsbundinn Dortmund til 2028.