Arsene Wenger segir ljóst að eitthvað sérstakt sé í gangi hjá Manchester United eftir að Michael Carrick leiddi liðið til glæsilegs 3-2 sigurs á Arsenal á Emirates í gær. Sigurinn var sá fyrsti hjá United í deild á vellinum í átta ár.
Carrick tók við liðinu til bráðabirgða eftir brottrekstur Ruben Amorim og hefur þegar haft mikil áhrif. Hann hóf tíð sína með 2-0 sigri á Manchester City og fylgdi því eftir með öðrum sigri gegn toppliði Arsenal.
„Mér finnst greinilega eitthvað vera að gerast hjá Manchester United, miðað við hvernig þeir unnu City og Arsenal,“ segir Arsenal-goðsögnin Wenger.
„Þegar Arsenal jafnaði í 2-2 bjóst maður við að heimaliðið myndi vinna, en United fann aftur kraftinn til að skora sigurmarkið. Ég verð að óska Carrick til hamingju, hann hefur skapað eitthvað.“
