Gabriel Jesus kom liðsfélaga sínum í sókninni hjá Arsenal, Viktor Gyokeres, til varnar fyrir leik kvöldsins gegn Inter í Meistaradeildinni.

Gyokeres var keyptur til Arsenal frá Sporting á mikinn pening í sumar eftir að hafa raðað inn mörkum í Portúgal. Svíinn hefur ekki beint haldið uppteknum hætti í ensku úrvalsdeildinni.

„Hann er frábær leikmaður,“ sagði Jesus, sem hefur upplifað tímana tvenna hjá Arsenal sjálfur, um Gyokeres.

„Ég hef sjálfur verið í þessari stöðu og veit hvað þetta getur verið erfitt. Leikmannahópurinn stendur þétt við bakið á honum.“

Arsenal nægir stig í leiknum á eftir til að tryggja sig áfram í 16-liða úrslit Meistaradeildarinnar.