Knattspyrnudeild Breiðabliks hefur komist að samkomulagi við Bryndísi Örnu Níelsdóttur um að hún leiki með liðinu næstu árin.
Bryndís Arna, sem er 22ja ára gömul, kemur til Breiðabliks frá Växjö í Svíþjóð, þar sem hún hefur leikið undanfarin tvö tímabil.
Þar á undan lék hún með Val og Fylki, alls 76 leiki í efstu deild, þar sem hún gerði 37 mörk. Auk þess á Bryndís Arna 7 A-landsleiki fyrir Íslands hönd.
