Ótrúlegar uppákomur áttu sér stað í úrslitaleik Afríkukeppninnar í gær, þar sem Senegal vann 1-0 sigur á heimamönnum í Marokkó í framlengingu og tryggði sér titilinn.
Leikurinn var afar kaótískur, sérstaklega undir lok venjulegs leiktíma þegar Marokkó fékk umdeilda vítaspyrnu. Leikmenn Senegal gengu þá af velli í mótmælaskyni og liðu alls 24 mínútur áður en leikurinn hófst á ný. Þegar loks kom að vítaspyrnunni steig Brahim Diaz á punktinn, en Edouard Mendy, fyrrverandi markvörður Chelsea, varði slaka Panenka-tilraun Diaz.
Í kjölfarið hafa komið fram myndbönd af furðulegum atvikum rétt fyrir spyrnuna. Varamarkvörður Mendy í markinu, Yehvann Diouf, stóð vörð við markið og passaði handklæði Mendy svo hann gæti haldið áfram að þurrka hanska sína og boltann. Þá réðust nokkrir boltastrákar að Diouf og reyndu ítrekað að rífa handklæðið af honum.
Á einu augnabliki má sjá þegar Diouf er dreginn af vellinum af boltastrákunum. Hefur þetta vakið furðu og reiði margra.
„Þetta er algjör bilun,“ skrifaði einn netverji og annar sagði: „Diouf var hetja kvöldsins.“
Senegal tryggði sér sem fyrr segir sigurinn í framlengingu með marki Pape Gueye og fagnaði sögulegum titli eftir dramatískan leik.
Big Shout out to Senegal’s reserve goal keeper Yehvan Diouf, who was active all throughout the game handing Edouard Mendy his towel and fighting off ball boys and Moroccan players. A Real Soldier.💪🇸🇳
pic.twitter.com/WXgQBDqDat— Oxford & Harvard☕ (@SeyiGlobal) January 19, 2026
The Moroccan official & ball boys were chasing another Senegalese player to try and take Mendy’s towel😂😂😂 pic.twitter.com/64xZm8Co4m
— The 44 ⚽️ (@The_Forty_Four) January 19, 2026
