Tottenham er að vinna að því að styrkja leikmannahóp sinn fyrir komandi tímabil og hefur nú beint sjónum sínum að tveimur leikmönnum úr ensku úrvalsdeildinni.

Samkvæmt fréttum á félagið í viðræðum við Brighton um kaup á miðverðinum Jan Paul van Hecke. Hollendingurinn á aðeins eitt ár eftir af samningi sínum við Brighton og hefur vakið athygli með stöðugri frammistöðu undanfarin tímabil.

Fjölmiðlar á Englandi greindu frá því fyrr í dag að fyrsta tilboð Tottenham í leikmanninn hefði verið hafnað, en viðræður milli félaganna standa enn yfir. Sagt er í grein Telegraph að Brighton hafi hafnað 70 milljóna punda tilboði Spurs.

Þá er Tottenham einnig að íhuga að gera tilboð í brasilíska kantmanninn Savinho hjá Manchester City. Lundúnaliðið hefur haft áhuga á leikmanninum síðan síðasta sumar og talið er að formleg nálgun við City gæti átt sér stað á næstu dögum.

Auk þess leitar Tottenham að miðjumanni sem getur stýrt spilinu af dýpri stöðum á vellinum. Hayden Hackney hjá Middlesbrough er þar á meðal þeirra leikmanna sem félagið hefur til skoðunar.

Ljóst er að Tottenham ætlar sér að vera virkt á félagaskiptamarkaðnum og styrkja nokkrar lykilstöður áður en nýtt tímabil hefst.