

Marcus Rashford, sóknarmaður Manchester United og enska landsliðsins, er áfram á óskalista Barcelona samkvæmt nýjustu fréttum frá Englandi.
Hansi Flick, knattspyrnustjóri Barcelona, ásamt íþróttastjóranum Deco og forsetanum Joan Laporta, eru sagðir vera sammála um að Rashford væri frábær viðbót við leikmannahóp félagsins. Katalónska stórliðið vill helst fá leikmanninn keyptan til félagsins til frambúðar.
Samkeppnin um undirskrift hins 28 ára gamla framherja gæti þó orðið hörð. Bayern München, Newcastle United, Tottenham Hotspur og Aston Villa eru einnig sögð fylgjast náið með stöðu hans.
Rashford hefur verið einn af þekktustu leikmönnum Manchester United undanfarin ár, en framtíð hans á Old Trafford hefur reglulega verið til umræðu eftir lánsdvalir hjá Villa og Barcelona á síðustu 18 mánuðum.