Manchester City íhugar nú lögsókn eftir ummæli Enrique Riquelme um framtíð Erling Haaland.
Riquelme, sem býður sig fram til forseta hjá Real Madrid, hélt því fram að Haaland myndi ganga til liðs við félagið ef hann ynni kosningarnar. Þessi ummæli hafa vakið mikla athygli en Manchester City hefur brugðist hart við.
Í opinberri yfirlýsingu segir félagið að fullyrðingarnar séu rangar.
„Sögurnar sem hafa komið frá Spáni um framtíð Erling Haaland eru rangar. Það er enginn möguleiki á þessu og engin ákvæði í samningi hans sem gera slíkt kleift,“ segir í tilkynningu frá City.
Þá staðfestir félagið að það skoði nú lagalegar aðgerðir vegna þess að nafn og ímynd leikmannsins hafi verið notuð í pólitískum tilgangi.
Haaland er samningsbundinn City til langs tíma og er lykilmaður í liði félagsins.
