Stephen Ireland, fyrrum leikmaður Manchester City og Stoke, varð fyrir alvarlegum meiðslum í leik með áhugamannaliðinu Wythenshawe Vets um helgina.

Ireland virtist fótbrotna eftir harkalega tæklingu í bikarúrslitaleik gegn South Liverpool Vets, en sjúkrabíll var kallaður inn á völlinn og leikurinn stöðvaður.

Myndband af atvikinu sýnir þungan árekstur þar sem heyra má mikinn smell þegar tæklingin á sér stað. Ireland lá eftir á vellinum á meðan hann fékk aðhlynningu frá sjúkraflutningamönnum áður en hann var fluttur á sjúkrahús.

Samkvæmt tilkynningu frá félaginu er hann eins vel á sig kominn og hægt er miðað við aðstæður, en frekari upplýsingar um meiðslin liggja ekki fyrir.

Eiginkona hans, Jess, þakkaði fyrir stuðninginn eftir atvikið og hrósaði bæði áhorfendum og sjúkraflutningateyminu fyrir skjót viðbrögð.

Wythenshawe Vets hefur vakið athygli á tímabilinu, en þar hafa margir fyrrum úrvalsdeildarleikmenn spilað, þar á meðal Papiss Cisse, Danny Drinkwater og Antonio Valencia.

Liðið hefur gert frábærlega og unnið alla tíu leiki sína í deildinni.

Mikið er fjallað um atvikið í ensku miðlum í dag og þar var einnig deilt myndbandi af samfélagsmiðlum. Því hefur hins vegar verið eytt.