Liverpool og Chelsea hafa augastað á kólumbíska táningnum Samuel Martinez, sem spilar með Nacional.
Þessi 17 ára gamli sóknarsinnaði miðjumaður hefur vakið mikla athygli með U-17 ára landsliði Kólumbíu og hafa útsendarar stórliðanna fylgst með honum.
Martinez getur leikið bæði á miðjunni og á köntunum og er talinn hafa mikla möguleika til að verða stjarna í framtíðinni.
Fleiri félög hafa þó áhuga á Martinez. Þar á meðal eru Atletico Madrid, Bayern Munchen, Benfica og Dortmund.
Kappinn þarf að hugsa sig vel um og velja skref sem hentar framþróun hans.
