David Beckham er á allra vörum þessa dagana eftir að heimildaþættir um líf hans komu út á Netflix, hafa þættirnir svo sannarlega slegið í gegn.
Í þáttunum er farið yfir brúðkaupsdag Beckham og Victoriu þar sem öllu var tjaldað til.
Vinir hans ætluðu að gera slíkt hið sama þegar það átti að steggja Beckham en hann ákvað á síðustu stundu að mæta ekki í þann gleðskap.
„Í júlí árið 1999 fór leikmannahópur Manchester United í ferð til Dublin og var talað steggjunarferð aldarinnar fyrir Beckham,“ segir í upprifjun Upshot.
„Á síðustu stundu varð hópurinn fyrir áfalli. Beckham hætti við að mæta og sagðist frekar vilja eyða tíma með Victoriu og ungum syni þeirra, Brooklyn.“
Gleðskapurinn fór hins vegar fram. „Ryan Giggs, Gary Neville, Phil Neville og Nicky Butt voru allir mættir. Dwight Yorke var blekaður.“
„Samvkæmt blöðunum var Yorke áfengisdauður um tíma en mætti aftur í gleðskapinn og skemmti sér. Hann yfirgaf staðinn með glæsilegri ljóshærðri konu.“
