Það var rífandi stemming á Hringbraut á föstudagskvöld þegar Bjarni Helgason blaðamaður Morgunblaðsins mætti og ræddi fréttir vikunnar hjá Benna Bó ásamt Herði Snævar Jónssyni, fréttastjóra íþrótta hjá Torgi.

Íslenska handboltalandsliðið er í fullu fjöri en Bjarni framleiddi þætti um landsliðsmennina á vef Morgunblaðsins sem hlotið hafa mikið lof.

„Það var bara gaman, þetta var skemmtilegt. Þetta var keyrsla, við tókum þetta upp í einni beit. Þriggja vikna túr, gaman að kynnast þeim,“ sagði Bjarni sem heimsótti flestar stjörnu handboltalandsliðsins.

„Maður er vanur að tala við þá eftir leiki, þá er þetta oft sami frasinn. Gaman að tala við þá í þeirra umhverfi og kynna þá fyrir fólki. Það eru ekki margir sem þekkja þá utan kappleikjanna. Eins og með þessi gæa, það vissi enginn hver Sigvaldi er. Hann hefur aldrei spilað á Íslandi.“

Bjarki Már Elísson landsliðsmaður sagði á dögunum að þessir nýju menn væru á köflum hálf leiðinlegir.

„Er þetta ekki bara samélagið, svo PC og Woke. Það þorir enginn að segja neitt,“ sagði Bjarni Helgason þegar hann var spurður álits.

Hörður Snævar lagði þá orð í belg. „Til að vera atvinnumaður þá þarftu að lifa hálf leiðinlegur ef þú ætlar að ná árangri, þú þarft að mastera þá list að liggja í sófanum, borða hollt og fara að sofa klukkan 22:00. Þú kannski mótast þannig að þú verður hálf litlaus, það er aldrei neitt óvænt. Það er sama rútína 330 daga á ári.“

Fréttavaktin