Margir hafa sett spurningamerki við nýjustu ummæli Antonio Conte, stjóra Tottenham, sem er einn sá litríkasti í bransanum.

Conte undirbýr lið sitt fyrir leik gegn Arsenal á morgun en um er að ræða grannaslag í ensku úrvalsdeildinni.

Conte segist ‘hata’ fólk sem ögrar dómurum á meðan leik stendur en hann þykir vera kasta steinum úr glerhúsi.

Ítalinn er duglegur að láta í sér heyra á hliðarlínunni og fær fjórði dómarinn reglulega orð í eyra frá honum á meðan leik stendur.

,,Þú þarft alltaf að sýna virðingu og sérstaklega þegar kemur að dómurum því ég veit vel hversu erfitt það starf er,“ sagði Conte.

,.,Að ögra dómurunum eða búa til neikvætt umhverfi er ekki sanngjarnt. Ég er ekki hrifinn af því. Ég hata fólk sem reynir að gera það.“

,,Ekki gleyma því að við erum að tala um knattspyrnuleik. Stundum gerist þetta í hita augnabliksins.“