Hugo Lloris, fyrirliði Tottenham, hefur tjáð sig um atvik sem kom upp í kvöld í hálfleik í leik gegn Everton.
Lloris hljóp þá reiður í átt að liðsfélaga sínum Heung Min Son og þurftu liðsfélagar að skilja þá að.
Leikmennirnir eru búnir að ræða málin en það var stutt í slagsmál í 1-0 sigrinum.
Lloris var óánægður með varnarvinnu Son ert Everton fékk dauðafæri undir lok hálfleiksins.
,,Þetta á heima í búningsklefanum. Við getum sagt það sem við viljum en virðingin okkar á milli er mikil,“ sagði Lloris.
,,Það sem gerðist á milli mín og Sonny er hluti af fótboltanum. Það eru engin vandamál. Þið gátuð séð að við vorum ánægðir í leikslok.“
,,Það er ekki gott að fá á sig færi undir lok hálfleiksins því við pressuðum ekki rétt, það fór í taugarnar á mér.“