Ole Gunnar Solskjær, stjóri Manchester United, segir að Jose Mourinho eigi rétt á sinni skoðun.
Mourinho ræddi lið United í gær eftir 2-0 tap gegn West Ham en hann er fyrrum stjóri liðsins.
Mourinho sagði á meðal annars að liðið væri verra í dag en þegar hann var við stjórnvölin.
,,Hann á rétt á sinni skoðun. Við töpuðum hérna í fyrra og þetta er alltaf erfiður staður að koma á,“ sagði Solskjær.
,,Við vonuðumst eftir því að gera betur en við gerðum. Við vonum að þetta batni.“
,,Á mikilvægu augnablikunum þá nýttu þeir sín tækifæri og ekki við. Við nýttum ekki okkar tækifæri þegar við fengum þau.“