Jamie Carragher sérfræðingur Sky Sports telur að Manchester United sé að reyna að kaupa Alexis Sanchez vegna þess að Jose Mourinho hafi misst þolinmæðina.
Carragher telur að Mourinho hafi ekki lengur þolinmæði fyrir Anthony Martial sem hefur spilað vel í vetur.
Eftir erfitt fyrsta tímabil hefur Martial fest sig í sessi hjá Mourinho og er nú farinn að byrja flesta stóra leiki.
,,Oft vill maður sjá meira frá Martial, maður sér hæfileikana og gæðin sem hann hefur,“ sagði Carragher.
,,Ef einhver ætti að óttast komu Alexis Sanchez, þá er það hann. Hann verður hluti af hópnum en maður heldur að þetta verði erfitt fyrir hann með komu Sanchez.“
,,Þetta hefur ekki komið hjá honum og ég held að Jose Mourinho hafi misst þolinmæðina, þess vegna gerist það upp úr engu að Sanchez er á lista United. Mourinho er að segja að hann vilji meira úr þessari stöðu.“
