Manchester United tók á móti Stoke City í ensku úrvalsdeildinni í kvöld en leiknum lauk með 3-0 sigri heimamanna.
Það voru þeir Antonio Valencia, Anthony Martial og Romelu Lukaku sem skoruðu mörk United í kvöld.
Paul Pogba átti frábæran leik í liði heimamanna og lagði upp tvö mörk í kvöld og var hann valinn maður leiksins í leikslok.
Pogba hefur nú lagt upp 9 mörk í ensku úrvalsdeildinni sem gerir hann að stoðsendingahæsta leikmanni deildarinnar, ásamt þeim Kevin de Bruyne og Leroy Sane.
Pogba hefur hins vegar spilað talsvert færri leiki en þeir Sane og De Bruyne en hann er með 13 leiki á bakinu á leiktíðinni.
De Bruyne hefur spilað 23 leiki fyrir félagið og Sane hefur spilað 21 leik.
