Gordon Ramsay í bobba: Líkt við alræmdan kynferðisafbrotamann

Stjörnukokkurinn Gordon Ramsay hóf árið 2019 með hvelli þegar hann tilkynnti að hann ætti von á sínu fimmta barni. Hins vegar hefur gamalt myndband úr The Tonight Show með Jay Leno varpað skugga á það. Í myndbandinu er viðtal við Modern Family-stjörnuna Sofiu Vergara síðan árið 2010 og hafa fjölmargir fordæmt hegðun kokksins.

Myndbandið byrjar á leiknu atriði þar sem Sofia öskrar á Jay og Gordon því henni líkar ekki maturinn í búningsherberginu. Þegar hún síðan kemur fram í myndver í viðtalið sjálft segist hún aldrei öskra svona í raun og veru.

„Aðeins í svefnherberginu?“ spyr þá Gordon á meðan hann snertir handlegg hennar. Viðbrögð áhorfenda leyna sér ekki og finnst sumum greinilega að kokkurinn gangi of langt.

Þá segir Gordon einnig óviðeigandi brandara þegar að mynd af Sofiu að borða pítsu birtist á skjánum en svo tekur steininn úr þegar að Gordon slær á rass leikkonunnar. Myndbandið í heild sinni má sjá hér fyrir neðan:

https://www.youtube.com/watch?v=fVmG8JA-2ys

Oj, Ramsay!

Eftir að myndbandið fór aftur í umferð hafa netverjar úthrópað Gordon fyrir hegðun sína.

It sucks because if Sofia had smacked him upside the head like he deserved or tried to communicate to him in a serious manner that she was uncomfortable she would have been called a crazy or angry Latina.

— ENIGMONSTER (@MonsterStan2) January 6, 2019

„Þetta er ömurlegt því ef Sofia hefði slegið hann í höfuðið eins og hann átti skilið og reynt að segja honum á alvarlegum nótum að henni liði illa þá hefði hún verið kölluð brjáluð og reið, suður-amerísk kona,“ tístir einn.

Ewwww ramsay! I wonder how he would react if men did the same thing he did to his daughters… pic.twitter.com/j6W9JcLEaW

— homebody nawal 🙂 (@sinawalawan) January 6, 2019

„Oj Ramsay! Ég velti fyrir mér hvernig hann hefði brugðist við ef þetta væru hans eigin dætur…,“ bætir annar við. „Sofia Vergara átti ekki svona framkomu skilið. Þetta er mjög, mjög óþægilegt,“ tístir enn annar.

Sofia Vergara didn’t deserve to be treated like this. This is very very uncomfortable. pic.twitter.com/5xgxLLFZ8R

— Jason Bolaños (@JBinAV) January 6, 2019

Þá hefur myndbandinu einnig verið líkt við gamalt viðtal Sofiu í The Late Show með David Letterman þegar að Bill Cosby, nú dæmdur kynferðisafbrotamaður, gekk ansi oft yfir strikið. Sagði Bill meðal annars að Sofia gerði hann æstan og hún léti karlmenn vilja syndga.