fbpx
Fimmtudagur 13.desember 2018
Matur

Langbesta eplakakan: Þessa uppskrift þarf að geyma

Lilja Katrín Gunnarsdóttir
Fimmtudaginn 15. nóvember 2018 15:00

Tilvalinn eftirréttur á köldum vetrarkvöldum.

Það er nauðsynlegt að eiga nokkrar uppskriftir á lager sem maður er ánægður með og slá alltaf í gegn. Hér er uppskrift sem á svo sannarlega heima í uppskriftabunkanum, en þessi eplakaka klikkar aldrei og er einstaklega bragðgóð.

Langbesta eplakakan

Hráefni:

4 epli, kjarninn úr og skorin í sneiðar (ekki taka hýðið af)
1 tsk. kanill
safi úr ½ sítrónu
2 msk. vatn
¼ bolli + 2 msk. sykur
¾ bolli hveiti
¼ bolli púðursykur
½ tsk. salt
115 g smjör, kalt, skorið í teninga
1 bolli haframjöl
vanilluís til að bera fram með

Aðferð:

Hitið ofninn í 190°C og smyrjið stórt eldfast mót. Blandið eplum saman við 2 matskeiðar af sykri, sítrónusafa, vatn og kanil. Í annarri skál blandið þið saman hveiti, púðursykri, restinni af sykrinum og salti. Notið síðan hendurnar til að vinna smjörið saman við hveitiblönduna þar til hún minnir á mulning. Bætið haframjölinu saman við. Raðið eplunum í eldfasta mótið og dreifið haframjölsblöndunni yfir. Bakið í um 45 mínútur, eða þar til toppurinn er farinn að taka góðan lit. Kælið í 10 mínútur og berið fram með vanilluís.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Matur
Fyrir 2 dögum

Þetta er það skítugasta á veitingastöðum: Allir snerta það – 185 þúsund bakteríur

Þetta er það skítugasta á veitingastöðum: Allir snerta það – 185 þúsund bakteríur
Matur
Fyrir 2 dögum

Jólin nálgast: Ómótstæðilegar smákökur með leynihráefni

Jólin nálgast: Ómótstæðilegar smákökur með leynihráefni