Björgunarbátar björgunarsveita Slysavarnafélagsins Landsbjargar á höfuðborgarsvæðinu eru nú við leit í Skerjafirði. Tveir vegfarendur töldu sig hafa séð neyðarblys svífa yfir haffletinum og voru bátahópar af svæðinu því kallaðir út.

Segir í fréttatilkynningu frá Landsbjörgu að leitað verði á svæðinu markvisst til að ganga úr skugga um að þar sé enginn í neyð en á þessari stundu er ekki vitað um neina báta eða aðra á svæðinu sem gætu þurft aðstoðar við.

Uppfært: 15:30

Leitinni hefur verið hætt. Ekkert kom úr leitinni, en björgunarsveitin vill koma því til skila að það sé alltaf betra að tilkynna en ekki.