Yfirlögregluþjónn hjá lögreglunni á Vesturlandi var dæmdur til 100 þúsund króna sektargreiðslu fyrir kaup á vændi. Á dögunum greindi DV frá því að sami maður hafi verið dæmdur fyrir líkamsárás, en sú árás var gegn rannsóknarlögreglumanni hjá lögreglunni.
RÚV greindi frá því að yfirlögregluþjóninn hafi verið dæmdur fyrir kynferðisbrot í nóvember síðastliðnum. Þetta staðfesti Sigrún Friðjónsdóttir, ríkissaksóknari. Lögreglan á Vesturlandi var látin vita í byrjun júní 2018 að yfirlögregluþjóninn væri til rannsóknar vegna vændiskaupa. Baðst hann lausnar frá störfum þann 1. júlí 2018 og var sú uppsögn staðfest samdægurs af lögreglustjóranum á Vesturlandi.
