Heimildarmenn konungsfjölskyldunnar eru yfir sig hneykslaðir á mætingu Harry Bretaprins og Meghan Markle í 70 ára afmælisveislu Kris Jenner og segja að það sýni hvers vegna hjónin ættu ekki að vera boðin aftur inn í konungsfjölskylduna, þau séu taktlaust tvíeyki.
„Þetta er svo klisjukennt,“ sagði heimildarmaður sem starfar fyrir konungsfjölskylduna.
Hertoginn og hertogaynjan af Sussex klæddust svörtu og mættu ásamt þotuliði fræga fólksins í veislu Jenner, sem Amazon-milljarðamæringurinn Jeff Bezos og eiginkona hans Lauren Sánchez haldu í 165 milljóna dala eign þeirra í Beverly Hills á laugardagskvöldið.
Á meðal þeirra sem mættu voru Beyoncé og Jay Z, Martha Stewart, Mariah Carey, Oprah Winfrey, Paris Hilton, Adele, Kardashian-fjölskyldan og lýtalæknir Jenner, Dr. Steven Levine.
„Þetta sýnir sannarlega að Harry er svo fjarlægur restinni af fjölskyldunni.Það má vek vera að þetta fólk sé stjörnur í Ameríku, en þessi hreina yfirlætissemi stangast á við það sem Vilhjálmur prins er að reyna að gera með lífi sínu og konungsfjölskyldunni,“ sagði heimildarmaðurinn.
Mark Zuckerberg, forstjóri Met, mætti einnig í afmælið, en hjónin og hann eiga í umdeildu sambandi. Í janúar gagnrýndu þau Zuckerberg harðlega fyrir að „stuðla að alþjóðlegri geðheilbrigðiskreppu“ eftir að Meta hætti staðreyndaskoðun og takmörkun á tjáningarfrelsi.
Viku eftir að Zuckerberg tilkynnti að Facebook myndi snúa aftur til upprunalegrar áherslu sinnar á tjáningarfrelsi, birtu hjónin yfirlýsingu á vefsíðu Archewell Foundation þar sem þau sögðu að þessi aðgerð myndi leyfa „meiri misnotkun“ og „hatursorðræðu.“
Heimildarmaðurinn segir framkomu hjónanna einnig sýna hversu rótgróin þau eru orðin innan Hollywood, þar sem fyrirtæki Bezos er að gera væntanlega mynd Markle, Close Personal Friends. Heimildir herma að hún muni leika sjálfa sig í rómantísku gamanmyndinni og fékk hlutverkið þar sem hún hefur „tengsl“ við kvikmyndagerðarmennina.
Myndin er gerð af Amazon MGM, sem er í eigu Bezos, og framleidd af Isaac Aptaker og Elizabeth Berger. Markle tók upp gestahlutverkið sitt í síðustu viku.
Heimildarmaðurinn segir að sumir embættismenn hallarinnar telji að hjónin ættu að vera boðin velkomin aftur í konungsfjölskylduna til að hjálpa til þegar bróðir Harrys, Vilhjálmur, tekur að lokum við hásætinu.
„Vilhjálmur hefur gert það ljóst að hann ætlað að verða konungur og hann hefur sannan klassa. Ég held að hann muni líta til yngri konungsfjölskylduna til að hjálpa, þar á meðal barna prins Játvarðs.“
