fbpx
Fimmtudagur 08.desember 2022
Pressan

Filippseyingar rísa upp gegn Kínverjum og vísa 40.000 úr landi

Kristján Kristjánsson
Mánudaginn 21. nóvember 2022 09:00

Nú hafa yfirvöld fengið nóg af kínverskum spilavítum og glæpum þeim tengdum. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Yfirvöld á Filippseyjum hafa afturkallað starfsleyfi 175 kínverskra netspilavíta og ætla að vísa 40.000 starfsmönnum þeirra úr landi. Þessi iðnaður var orðinn yfirvöldum mikill þyrnir í augum því umfangsmikil glæpastarfsemi tengist honum og straumur mörg þúsund kínverskra starfsmanna spilavítanna til eyjanna hefur haft margvísleg vandamál í för með sér.

Mannrán, morð, mansal, vændi, skattsvik og hækkandi fasteignaverð eru á lista yfirvalda yfir alvarleg og neikvæð áhrif kínversku spilavítanna. Þau hafa því ákveðið að nú sé nóg komið.

Jótlandspósturinn segir að kínverski spilaiðnaðurinn hafi farið sístækkandi á Filippseyjum frá 2016 en þá komst Rodrigo Duterte til valda sem forseti. Hann jók viðskiptin við Kínverja og reyndi að laða fleiri fjárfesta til landsins.

Þetta varð til þess að spilavítum, sem starfa á netinu, fjölgaði gríðarlega á skömmum tíma og urðu Filippseyjar ein stærsta miðstöð heims á þessu sviði, komst á par við Singapúr og Macau, sem er kínverskt yfirráðasvæði.

Nú hefur Ferdinand Marco junior, núverandi forseti, ákveðið að nú sé nóg komið og ákveðið að grípa til fyrrgreindra aðgerða. Þetta var eitt af kosningaloforðum hans en hann tók við völdum í júní.

Vandamál, tengd spilavítunum, voru orðin svo mikil að filippseysk yfirvöld höfðu neyðst til að setja sérstakar sveitir, með kínversku mælandi fólki, á laggirnar til að takast á við vandamál á borð við ofbeldisverk og aðra glæpi.

Talið er að 121.000 manns starfi við kínversku spilavítin, þar af eru tæplega 70.000 Kínverjar.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Kirstie Alley er látin

Kirstie Alley er látin
Pressan
Fyrir 2 dögum

10 ára drengur skaut móður sína til bana – Mátti ekki kaupa sýndarveruleikabúnað

10 ára drengur skaut móður sína til bana – Mátti ekki kaupa sýndarveruleikabúnað
Pressan
Fyrir 3 dögum

NASA segir þetta vera með því mesta sem sést hefur

NASA segir þetta vera með því mesta sem sést hefur
Pressan
Fyrir 3 dögum

Hin óhugnalegu Stafrófsmorð – Litlu stúlkurnar voru allar jafngamlar, með sömu upphafsstafi í báðum nöfnum, hurfu á sama tíma og myrtar á sama hátt

Hin óhugnalegu Stafrófsmorð – Litlu stúlkurnar voru allar jafngamlar, með sömu upphafsstafi í báðum nöfnum, hurfu á sama tíma og myrtar á sama hátt
Pressan
Fyrir 3 dögum

Flugferðin breyttist í algjöra martröð – Juliane hrapaði úr 3,2 km hæð og lifði af

Flugferðin breyttist í algjöra martröð – Juliane hrapaði úr 3,2 km hæð og lifði af
Pressan
Fyrir 3 dögum

Segir að svona sé hægt að spara peninga á auðveldan hátt með „þriggja daga reglunni“

Segir að svona sé hægt að spara peninga á auðveldan hátt með „þriggja daga reglunni“
Pressan
Fyrir 4 dögum

Blóðþynningarmeðferð virkar ekki gegn COVID-19

Blóðþynningarmeðferð virkar ekki gegn COVID-19
Pressan
Fyrir 4 dögum

5 ára hringdi í Neyðarlínuna – Hafði aldrei áður fengið símtal eins og þetta

5 ára hringdi í Neyðarlínuna – Hafði aldrei áður fengið símtal eins og þetta